華潤創業(291)業績雖然唔算亮麗，但以其業務范圍及近期投資，未來可以受惠內地力推內需的政策。華創去年純利升31%至39.5億元，每股盈利1.64元，期內，總營收入升近15%。雖然表現睇落唔算差，但睇深一點，集團扣除資產重估及出售主要非核心資產的核心盈利其實倒退19%，而且末期股息按年出現減少，所以其股價在業績公布后并無強勁表現。

華創主要從事零售、飲品、食品加工及經銷及物業投資業務。其中不乏本地市場經常接觸的業務。早前集團以53.8億元人民幣收購金威啤酒(124)的啤酒生產、分銷及銷售業務，相信短時間唔會對集團有太大正面幫助。德銀就有報告認為收購的估值屬于高，會降低每股盈利，不過收購會提升其廣東市占率，亦令華創旗下啤酒占全國產能22%，成為全國第一。留意到集團早前以代價約人民幣36.9億元收購江西洪客隆百貨，由于該百貨是江西市場上富有競爭力的零售連鎖企業，相信其百貨業務今年有機會有更好表現。